Luk 1:3-11

³Kəleləs kam, Teyofil, itɔ pəwurɛn’em fɔ pəntesɛ ina sɔ, ntɛ intɛn mi bel-bel kəyɛfɛ dəkəcop mɔ. Awa, isɔŋ’am mi kəcərɛ dəmecicəs pəmɔ tɔkɔ inatəkəs mi mɔ,

⁴ntɛ tɔŋsɔŋɛ məcərɛ kaŋce ka mes mmɛ antəks’am mɔ.

⁵Tɛm ntɛ Herodu ɛnayɔnɛ wəbɛ ka atɔf ŋa Yude mɔ, wəloŋnɛ ka Kanu wəlɔma ɛnayi pac-we kɔ Yakariya, wəka kəgba ka aloŋnɛ nkɛ aŋc-wenɛ wətem Abiya mɔ ɛnayɔnɛ; wəran kɔn pəwur dokom da Aruna, pac-we kɔ Elisabɛt.

⁶Mɛrəŋ maŋan fəp ŋanalomp fɔr ya Kanu kiriŋ, ŋacəmɛ sɔ dɔpɔ kɔ mosom ma Kanu Kəpɔŋ fəp darəŋ pəmɔ tɔkɔ pəmar mɔ.

⁷Mba ŋanayɔ fɛ wan, bawo Elisabɛt ɛnayɔnɛ fɛ wəran wəkombəra, mɛrəŋ maŋan fəp ŋanasikər.

⁸Dɔsɔk dɔlɔma Yakariya pəc-bəc yɛbəc yɔn ya kəloŋnɛ ka Kanu, bawo kəgba kəŋan kənakɔ kətɔmpər kəloŋnɛ kaŋkɔ.

⁹Pəmɔ tɔkɔ aloŋnɛ a Kanu ŋaŋyɔ ti mɔ, k’aŋgbal kɔla; kɔ kɔla kəmentər Yakariya dɔsɔk dadɔkɔ kəbɛrɛ ka dəkəfo kəcempi ka kəlɔ kəpɔŋ pəkɔ-motɛ Kanu Kəpɔŋ curay.

¹⁰Afum alarəm ŋanayi nde dabaŋka ŋac-lok-lokər Kanu tɛm tatɔkɔ aŋc-mot curay mɔ.

¹¹Awa, kɔ mɛlɛkɛ ma Kanu mowurər Yakariya, mɛcəmɛ nde kəca kətɔt ka aŋgbip nŋɛ aŋmot curay mɔ.