عَننَبِ نَشُمُ 1

1

2

3

¹مَسٍنيِ شْرْشْي نَن يَ نِنٍوٍ شَ قٍ رَ، عَلَ نَشَن مَسٍن عَننَبِ نَشُمُ عٍلٍكٌسِكَ بّ. عَلَتَلَ مَفَاشُ، عَ فبٍحْشْقٍ مُ كَنَمَ.

²عَلَتَلَ عَ فبٍحْشْمَ نّ، عَ شَ شْنّ سّنبّ فبٌ عَ يَشُييٍ مَبِرِ، عَ مُ دِحّمَ عٍ مَ مَقُرٍن مَقُرٍن.

³كْنْ عَلَتَلَ مُ شْنْمَ مَقُرٍن مَقُرٍن، عَ سّنبّ فبٌ هَن. عَلَتَلَ مِشِ حَاشِ سَرٍ رَفبِلٍنمَ نّ قٍ حَاشِ رَبَيٍ مَ. عَ شَ حّرّ لُمَ نّ عَلْ تُرُننَادّ نَشَن شُبٍ رَتٍمَ، عَ تِشِ نُشُييٍ قَرِ.

⁴عَ نَ شَاحّ بَا مَ، عَ شْرِ مَ نّ، عَ شُرٍ بِرِن نَشَرَ، عَ بَسَن نُن كَرٍ مٍلٍ قِندِ فبٍنفبٍرٍنيِ رَ، عَ لِبَن سَنسِيٍ لِسِمَ نّ.

⁵عَ فٍيَيٍ رَ سّرّنمَ نّ، عٍ شُنُ عَلْ كُمِ تُرٍ. بْشِ سّرّنمَ نّ عَ يَ عِ، دُنِحَ مِشِيٍ بْحّ مِنِمَ نّ.

⁶ندٍ نْمَ تِدٍ عَ شَ شْنّ يَ رَ؟ ندٍ نْمَ تِدٍ عَ شَ بْحّتٍ يَ عِ؟ عَ شَ شْنّ لُمَ نّ عَلْ تّ، نَشَن فّمّيٍ بُلَمَ.

⁷عَلَتَلَ قَن، عَ كَنتَرِ قِمَ نّ تْورْ مِشِيٍ مَ، عَ مّينِمَ نّ مِشِيٍ مَ نَشٍيٍ عٍ يّتّ تَشُمَ عَ رَ.

⁸كْنْ عَ نِنٍوٍ شُن نَكَنَمَ نّ، عَ عَ يَشُييٍ كٍرِ مَ دِ مِ نَن كُي.

⁹نِنٍوٍ، وٌ قّيرّ مُندُن قٍنقٍ عَلَتَلَ شِلِ مَ؟ عَ تَن نَن سْنتْي تِمَ كٍرٍنيِ رَ.

¹⁰عٍ قَمَ نّ لُدٍ عَلْ عٍ كَنكَنشِ تُنبٍ كُنسِيٍ نَن نَ، عَلْ عٍ سِيسِشِ بٍيرٍ نَن نَ، عَلْ سّشّ شَرَشِ نَشَن فَنشِ قٍوٌ.

¹¹نِنٍوٍكَ ندٍ بَرَ قٍ حَاشِ رَبَ عَلَتَلَ رَ، عَ مِشِيٍ رَ سِشِ قٍ كٌبِ نَن مَ.

¹²عَلَ شَ مَسٍنيِ نَن يَ عٍ شَ قٍ رَ؛ «هَلِ وٌ يَشُييٍ وُيَ، عٍ شُن قَمَ نّ رَكَنَدٍ، عٍ حْن. ﭑ بَرَ وٌ تَن يُدَيَكَيٍ تْورْ، كْنْ ﭑ مُ نَ رَبَمَ سْنْن.

¹³يَكْسِ ﭑ وٌ بَمَ نّ وٌ يَشُييٍ شَ نْي بُن مَ، ﭑ لُوتِيٍ بٌلٌن وٌ شِرِشِ نَشٍيٍ رَ.»

¹⁴عَلَتَلَ شَ مَسٍنيِ نَن يَ وٌ تَن نِنٍوٍكَيٍ شَ قٍ رَ؛ «وٌ بْنسْي قَمَ نّ حْندٍ. ﭑ وٌ شَ كُيٍ مَسٌلِشِيٍ نُن وٌ شَ كُيٍ نَشٍيٍ يَءِلَنشِ وُرٍ رَ، نَشٍيٍ نَ وٌ شَ عَلَيٍ شَ بَنشِيٍ كُي، ﭑ نٍيٍ بِرِن كَنَمَ نّ. ﭑ وٌ سْنتْمَ نّ، بَرِ مَ وٌ حَاشُ.»