Ʒare Biri 18:27-32

²⁷Eme no taha wiac irec manape ŋaŋacne gieonec me waiŋ rowaŋ‐ŋeŋickonec râeŋgopieŋ ezejec.

²⁸Ŋoŋe Israe ŋic jaŋeraonec wiac teŋkonec wâŋ roeŋgopieŋ irecnec gâcne Wofuŋ no nare tahac enʒepieŋ, erâ nore taha i taha bapa Aroŋ râcnepie ere biŋe ezejec.

²⁹Wiac ŋareniŋmu sasawa irecnec Wofuŋ nore biŋe mukicne i nare tahac enʒepieŋ, ine wiac biaŋne jâmbâŋ irecnec bâtirihuc nore biŋe qanʒepieŋ.

³⁰Irec hâcne kecʒiŋuc jazazemec: ‘Ŋoŋe wiac biaŋne jâmbâŋ taha bâzire biŋe râepie ine manape Lewiŋic ŋaŋacne gieonec me waiŋ rowaŋ‐ŋeŋickonec râeŋgopieŋ ezejec.

³¹Ehame ŋoŋe â kikefuŋfâc‐ŋeŋic ŋoŋe ira me ira nâzo murâ nânʒepieŋ, i tutumaŋ qoruc bozeo kiŋaŋ gie baeŋgopieŋ irec suanʒeŋ‐ŋeŋic ekac hâcne.

³²Ŋoŋe wiac biaŋne jâmbâŋ taha bâzire biŋe râehuc kiŋ moc mi hotâckeniŋmu. Ehuc Israe ŋic jaŋere wiac tirine mi hegâpâreniŋmu, erâ wâc mi hâmoniŋmu.’”