Yesu Tɔ̃rɛ̀ 28:4-8

⁴Kɛ̀ dɛ kó dihɛì kɔbɛɛ yɑ̀ fɛwɑ̀ɑ̀fɛ̀ cɑ̀ɑ́tímɛ̀ Pɔɔri nɔ̀ùtɛ̀ kɛ́nnɑ́ɑ́ mbɛmɑ́ɑ̀ kɛ tú: Onìtì yie mmɛ̀nkɛ tú onitikɔ̀ùti nwe, bɑ́ ò mɛ ncootɛ́mɛ̀ dɑ̀mɛ́ɛ̀rì miɛkɛ mɛyɛi mbɑɑ ò tũ̀mmu.

⁵Kɛ̀ Pɔɔrii míɛ́tóo fɛwɑ̀ɑ̀fɛ̀ muhɑ̃ɑ̃́ mmiɛkɛ bɑ́ ò í nkèè kuyonku.

⁶Kɛ̀ bɛ̀ nkémmú dɛ̀ bo múútímɛ̀ yoo wèe doroo bɑ̀mbɑ̀ nkɛ́kú. Kɛ̀ dɛ̀ɛ mɔntɛ bɑ́ dɛ̀mɑrɛ̀ í dɔ̀ɔ̀, kɛ̀ bɛ̀ɛ ceetɛ tinɑ́ɑǹtì kɛ dɔ̀ ò dò nKuyie nku.

⁷Kɛ sɔ̃́ nkùmɑ̀ndɑ́ɑ̀ bɛ̀ tú wè Pibidiyuusi, wèè te dihɛì kòo bɑ̀tɛ̀ dɛ̀ bo, kòo ti cɔutɛ́nɛ̀ diwɛ̀ì. Kɛ̀ tí mbo kɛ dɔ̀ yɛwe yɛ̀tɑ̃ɑ̃ti.

⁸Kɛ̀ timíɛ́tì bo o cicɛ kòò yɛ̃́nkú mɛyĩ̀ĩ̀ kɛ duɔ́ kɛ̀ Pɔɔrii ò nɔ̀ɔ́ nsinɔu, kɛ bɑ́ntɛ̀ Kuyie nkòo miɛtɛ́.