24Ti kèè ti kɔbɛ mɑbɛ̀ kɔ̀toomɛ̀ kɛ di kɔkɛ́nɛ̀ kɛ cɑ̀ɑ̀rɛ̀ di yɛ̀mmɛ̀, tíì í bɛ̀ duɔ́ ndɛ kó dinùù.
25Dɛɛ̀ te kɛ̀ ti wɛ̃nnɛ́ kɛ tɑ̃ɑ̃tɛ́ bɛ̀mɑbɛ̀ kɛ bɛ̀ nɛínnɛ̀nko ti nɛ́pobɛ̀ sɑ̀ɑ̀bɛ̀ Bɑnnɑbɑɑsi nɛ̀ Pɔɔri.
26Bɛ̀ɛ̀ duɔ́ mbɛmɑ́ɑ̀ kɛ kɑ̀ɑ́tɛ́ mukṹṹ kucɛ mɛ̀pɛ́u ti Yiɛ̀ nYesu kó mutɔ̃mmú kpɛ́í.
27Ti tɔ̃nko Sudi nɛ̀ Sidɑɑsi kɛ̀ bɛ̀ bo di tuo ntìì wɑ̃̀ri tìnti dipɑ́tíri miɛkɛ.
28Muyɑɑ́nsɑ̀ɑ̀mù muù ti niitɛ́ kɛ̀ ti yɛ̃ nti bɑ́ɑ́ di sṹũ mmucìrìmù kɛ̀ dɛ̀ í tú ikuɔ́ ìì í dò nkɛ́yóu.
29Iì tu di bɑ́ nyo iwũɔ̃ bɛ̀ fìé ì yɛbɔkɛ̀ nɛ̀ mɛyĩ̀ĩ̀ nɛ̀ iwũɔ̃ bɛ̀ í fìé ì, kɛ́mɛntɛ́nɛ̀ dimɑ́ɑ̀ di bo ndɔutinɛ̀mɛ̀ ditɔbɛ̀, kɛ̀ di dɔɔ̀ri mɛmmɛ dɛ̀ bo nwenni. Dɛ̀ nsúɔ́nnɛ̀ diyiè mɑrì.