YƐSÃÃ 78:55-59

⁵⁵Kɛ̀ kùu bɛti yɛbotɛ̀ yɛ̀ɛ̀ do dɛ̀ bo, kɛ́berí kɛtenkɛ̀ kɛ́ bɛ̀ totí, kɛ̀ Isidɑyɛɛribɛ tiekɛ bɛ cɛ̃́ĩ kɛ́mbo.

⁵⁶Nɛ̀ mɛmmɛ kɛ̀ bɛ̀ nyíinko Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ ku miɛkɛ, kɛ́yetɛ ku kpɛti, bɛ̀ í ndɑkɛ ku kuɔ́ kpɛti.

⁵⁷Kɛ̀ bɛ̀ɛ dɛ́tɛ́nɛ̀ Kuyie mbɛ yɛmbɛ̀ kɔ̃mɛ, kɛ́ nkù soú kɛ í ndò nhɑ́ nɑ kɛ́ mbɛ̀ tɑ̃́, mutɑ̃mmù mùù í fĩ mmɛsɑ̀ɑ̀ mu kɔ̃mɛ.

⁵⁸Kɛ̀ bɛ̀ nfeu yɛtɔ̀rɛ̀ kɛ íinkoo Kuyie mmiɛkɛ, kɛ feu yɛbɔkɛ̀ kɛ̀ dɛ̀ kù yóù.

⁵⁹Kɛ̀ Kuyie ndɛ̀ yɑ̀ kɛ̀ kù miɛkɛɛ pɛikɛ, kɛ̀ kùu pɛ̃ nyIsidɑyɛɛribɛ pɑ́íí.