YƐSÃÃ 69:3-6

³N fìíkú disɑ̃̀ũ̀ ndi, n yí pɛ̀tɛ́ dɛkperɛ̀ kɛ nɑ, n tɑ dɛcũmpurɛ ndɛ, fɛnɛ́wuonfɛ fɛɛ̀ n tɔ.

⁴N kɔmmú kɛ ɔ̀umu kɛ̀ n níí kpeí, m bɔ̀útɛ́ kɛ bɔ̀útɛ́ Kuyie nkùù n te kùnku kɛ̀ n nuɔ nyetɛ.

⁵Bɛ̀ɛ̀ n nìí nkɛ dɔ́ kɛ́ n kuɔ bɛ̀ sũmu kɛ pɛ̃ɛ̃tɛ́ n yùtì, bɛ̀ n dɔ̀ɔ̀ bɛ dootitɔù nwe dɛtetìrɛ̀, bɛ̀ kpeńnì kɛ m pɛ̃ɛ̃tɛ́mu kɛ yó n kuɔ, kɛ duɔ́ nkɛ̀ n yietí n yí yùúkú dɛ̀.

⁶Kuyie nhɑ yɛ̃́mu n yɛìntì, n cɑɑ̀rìmɛ̀ í sɔri ɑ ììkɛ̀.