YƐSÃÃ 5:2-12

²N Yiɛ̀ nKuyie nkéntɛ́ n nɑ́ɑǹtì, keè n dɑbònnì.

³N kóo kpɑ̀ɑ̀tì, fɔ̃́ nKuyie fɔ̃́ɔ̃̀ n te, keè n dɑ yumɛ̀, fɔ̃́ nwe m bɑ́ɑ́mmɛ̀.

⁴N Yiɛ̀ nKuyie ndikṹnweńnì ɑ ɔ̃ɔ̃ keèmu n tɑmmɛ̀, nh ɔ̃ɔ̃ pikɛ mbúɔ́ fɔ̃́ nwe kɛ dɑ kémmú.

⁵Kuyie nhɑ í dɔ́ mɛyɛi, ɑ ɔ̃ɔ̃ í ncɔutɛ́ oyɛiwe.

⁶Bɛ̀ɛ̀ yetɛ yɛto bɛ̀ í yóó dɑ tɔ́ɔ́nnɛ̀, ɑ í dɔ́ bɛ̀ɛ̀ dɔ̀ɔ̀ri bɛtɔbɛ̀ mɛyɛi.

⁷A kɔùmu siyɑ́ɑ̀bìsí yɛmbɛ̀, nɛ̀ bɛ̀ɛ̀ cou mɛnitiyĩ̀ĩ̀ nɛ̀ bɛciìmbɛ̀, ti Yiɛ̀ nKuyie mbɛ̀ dò nhɑ borɛ̀ isɔkɛ nyi.

⁸Mí nyie ɑ n dɔ̀ɔ̀ mɛ̀ɛ̀ sɑ̀ɑ̀ ndɛumu, kɛ̀ n tɑti ɑ cĩ́ɛ̃̀tɛ̀. N dɑ dému, kɛ yó nnínkú ɑ cɛ̃sɑ̀ɑ̀tɛ̀ miɛkɛ.

⁹N Yiɛ̀ nKuyie nhɑ tú timɔ́mmɔnti yiɛ̀ nwe, nni ncɛ̃mmú bɛ̀ɛ̀ n dííntɛ bɛ kpɛ́í, tũntɛ kucɛ ɑ dɔ́ n tũnnɛ kù.

¹⁰Bɛ̀ í mɔkɛ timɔ́mmɔnti, bɛ̀ dɔ́ mɛyɛi mmɛ, kɛ̀ bɛ nɑ́ɑǹtì dò nkufɔ̃ti kùù feí, bɛ̀ tu bɛsoùmbɛ̀ mbɛ, kɛ ɔ̃ nnɑ́ɑ́ nkɛ kpɛnti kɛ nɛ́ dɔ́ mɛyɛi.

¹¹Kuyie nwéntɛ́ bɛ bɛyɛibɛ, kɛ̀ bɛ̀ dɔ́ kɛ́dɔɔ̀ tìi bɛ̀ buɔ́, bɛ yɛi nsũ̀ṹmmu, bɛti bɛ, bɛ̀ yetɛ ɑ kpɛti nti.

¹²Kɛ̀ bɛ̀ɛ̀ biɛ sɔri ɑ borɛ̀, kɛ̀ diwɛ̀ì mbɛ̀ bo, kɛ̀ bɛ̀ nyɑ̃nku sɑ̃́ɑ̃̀ nɛ̀ diwɛ̀ì, kɑ̀ɑ mbɛ̀ kɑ̃nkɛ́, bɛ̀ dɑ dɔ́mu, yóu kɛ̀ bɛ̀ nyɑ̃nkunɛ̀ diwɛ̀ì.