YƐSÃÃ 50:1-7

¹Asɑfu kó fɛyɛ̀nfɛ̀ bɛ̀ dìè nfɛ̀. Ti Yiɛ̀ nKuyie nnɑ́ɑ́mmu, kunku Kuyie nkù yumu kutenkù kumɔu kɔbɛ, diyiè yìɛ̀ní kɛ̀ nɛ̀ dì tɑɑ̀ kɛ̀.

²Siyɔ̃ɔ̃ ɛì sɑ̀ɑ̀rì mɔ́mmɔnni, Kuyie ndɛ mbo nɛ̀ ku kpetì.

³Kuyie nkɔ̀rinímu, kù í yó ndò nyúó. Kù yó nkéríní kɛ̀ muhɑ̃ɑ̃́ mmuù ni kɛ tuɔ̀, kù yó nkéríní kɛ nɛínɛ̀ kuyɑɑkperíkù nku.

⁴Kuyie nyumu kɛĩ́nkɛ̀ kɛ yu tiwɛtì nɛ̀ kɛtenkɛ̀, kɛ̀ dɛ̀ bo mbo kù bekù ndɛ̀ ku kɔbɛ.

⁵Kuù tu: Tíínnɛ̀nní díndi n kɔbɛ bɛ̀ɛ̀ yìé n kpɛti, díndi bɛ̀ɛ̀ fèútɛ́ fɛɔ̃̀fɛ̀ kɛ n tɑunnɛ̀.

⁶Kɛĩ́nkɛ̀ nɑ̀ɑ́mmu Kuyie nwennimɛ̀, kuù tu obeéntì.

⁷Isidɑyɛɛribɛ kéntɛ́nɛ̀, n dɔ́ kɛ di bɛ́innɛ̀mu, N kó bɛnìtìbɛ̀ n nɑ́ɑ́nnɛ̀ dí mbɛ kɛ di sɛí, mí nKuyie ndi tũ nkù.