YƐSÃÃ 49:13-20

¹³Bɑ́ kòo nìtì yètìrì feí ò bɑ́ɑ́ nɑ kɛ́nfòù sɑ̃́ɑ̃̀, ò dònnɛ̀ fɛɔ̃̀fɛ̀ nfɛ kɛ í mɔnni.

¹⁴Ntɛ bɛ̀ɛ̀ tɑ̃́ bɛmɑ́ɑ̀ bɛ̀ yóó dentɛnɛ̀ tì, bɛ̀ɛ̀ dɔ́ kɛ́nkémmú bɛ̀ nɑ̀ɑ́ ntì bɛ kpɛrɛ yó mmɛ ndò.

¹⁵Bɛ̀ bɛ̀ kpɑ̀ɑ̀kɛ tipìètì kɔ̃mɛ mmɛ kɛ kɔrinɛ̀ dibiìnnì, kɛ̀ mukṹṹ mbɛ̀ cɛ̃mmú kɛ̀ bɛ̀ tɑti kufɔ̃ti, bɛ wenniku yóó deèmu kɛ̀ bɛ̀ mbo kudɔnkù.

¹⁶Kuyie nnɛ́ yóó n dɛɛtɛ́nɛ̀mu mukṹṹ nkɛ yɛ̃́ kù yó n túótɛ́mɛ̀.

¹⁷Kòò mɔù kpɑ̀tì dɛ̀úkú ɑ bɑ́ ndɑkɛ. Kòo kpɛrɛ sṹũnko ɑ bɑ́ ndɑkɛ.

¹⁸Ò í yóó kú kɛ́nnɛínɛ̀ o kpɛrɛ, o kpɑ̀tì í yó nhò tũ̀ nkufɔ̃ti miɛkɛ.

¹⁹Ò do fòù kɛ̀ dɛ̀ ò nɑɑtimu, kòò sɑ̃ntí omɑ́ɑ̀ o kpɛrɛ yíémɛ̀.

²⁰Ò yóó sɔ̃́nkóo o yɛmbɛ̀ mbɛ kudɔnkù, bɛ̀ tɛ̃́nkɛ í yóó yɑ̀ kuwenniku bìtì.