YƐSÃÃ 46:4-11

⁴Bɑ́ kɛ̀ mɛniɛ nkpɑ nkɛ kóonko kɛ puotì yɛtɑ̃rɛ̀ kɛ̀ yɛ̀ sɑ̃̀nti.

⁵Kukó nkuù pũɔ̃̀ nKuyie nhɛì, kɛ duɔ̀ ndiwɛ̀ì Kuyie kùù bɑkɛ́ kɛĩ́nkɛ̀ nɛ̀ kɛtenkɛ̀ ku ɛì sɑ̀ɑ̀rì miɛkɛ.

⁶Kuyie mbomu dɛ kó dihɛì miɛkɛ, kɛ̀ dì yó nfííkú teii, kuù di teénnɛ̀ dikṹnweńnì sɛ̀ì.

⁷Ibotí iì kuɔ̀ nkɛ̀ yɛkpɑ̀ɑ̀tìyɔ sɑ̃nti, kɛ̀ Kuyie mpɛ́ú mɛtɑmmɛ̀ kɛ̀ kɛtenkɛ̀ pùɔ̀.

⁸Ti Yiɛ̀ nKuyie Mpɑkɛdɑɑ wèè bɑkɛ́ dɛmɔu, wè ti bonɛ̀mu, Kuyie nSɑkɔbu do tũ nkù tu ti kó tɛcɛ̃kpetɛ̀ ntɛ.

⁹Kɔtɛnɛ̀ní kɛ́yɑ̀ ti Yiɛ̀ nKuyie ndɔ̀ɔ̀ dɛ̀, kù cɑ̀kɛmɛ̀ kutenkù.

¹⁰Kuyie nkuù còḿmú dikpɑ̀nnì kutenkù kumɔu duɔ́mɛ̀, kɛ kékíí dɛtɑ̃nnɛ̀ nɛ̀ yɛkpɑ̃ɑ̃̀, kɛ cɔ́unko sikpɑ̀rìsɛ̃ĩ́.

¹¹Kɛ nɑ́ɑ́ nkɛ tú: Yĩ́nɛ̀ só kɛ́bɑntɛ́ míì túmɛ̀ Kuyie nkɛ bɑkɛ́ ibotí nɛ̀ kutenkù.