YƐSÃÃ 39:2-9

²N yɛ̀mmɛ̀ do dò n yó ndɑkɛmu n dɔɔ̀rìmɛ̀ kpɛ́í, kɛ bɑ́ɑ́ bɛ́i ntìmɑtì kɛ́yetɛ́, kɛ́mmuti tɑ́u oyɛiwe ììkɛ̀.

³Mɛm̀mɛ kɛ̀ nni ndò nyúóó kɛ dò nkɑ́rɛ́ kɛ í mmɔkɛ diwɛ̀ì, kɛ̀ n fɛ̃́ṹtímɛ̀ nɛ́ dɔkɛ dɛukɛ.

⁴Kɛ̀ dɛ̀ n cɔ́ú m miɛkɛ, kɛ̀ iyɛntotíi n tùɔ̀ nkɛ dò mmuhɑ̃ɑ̃́, kɛ̀ n dentɛnɛ̀ m bo bɛ́immɛ̀.

⁵N Yiɛ̀ nKuyie n nɑ́kɛ́ n fòmmu mɑmɛ̀, n nɑ́kɛ́ n we kpɑɑ́ yɛ̀dɛ̀, kɛ̀ m bɑntɛ́ n yí kpeńnìmɛ̀.

⁶A n duɔ́ mmùù fòmmu mɑ̀nnɛ̀ tɛnɔ̀ùtɛ̀ pɛ̃kùmɛ̀ mmɛ, n we í tùɔ̀kɛ dɛ̀mɑrɛ̀ ɑ ììkɛ̀, ɑ borɛ̀ onìtì dò mmuyɑɑ́ mmu.

⁷Onìtì dònnɛ̀ mɛdɛ́ɛ̀ mmɛ kɛ firì, ò ɑ̀rìmu kɛ dò mmuyɑɑ́ kɛ wɑɑ̀ ntikpɑ̀tì ò mɛ nyí yɛ̃́ wèè yóó tì tiekɛ.

⁸N Yiɛ̀ nKuyie, n kémmú we? Fɔ̃́ nwe m búɔ́mɛ̀.

⁹N dɛɛtɛ́nɛ̀ n yɛi, bɑ́ɑ́ yóu kɛ̀ tiyɛìntì nni ndɑú.