YƐSÃÃ 38:8-14

⁸N kɔ̃̀ntì tiì cɔ̀ú, dɛ̀mɑrɛ̀ tɛ̃́nkɛ í pĩ́ n kɔ̃̀ntì miɛkɛ.

⁹N yí mɔkɛ muwɛ̃rímú, n kɔ̃̀ntì kèétɛ́ kéétɛ́mu, n yɛ̀mmɛ̀ mɛɛ̀ cɑ̀ɑ̀rɛ̀ kɛ̀ n kuɔ̀ nkɛ mítìrì.

¹⁰Kuyie nhɑ yɛ̃́mu n dɔ́ dɛ̀, ɑ wúómmu n dɑbònnì.

¹¹N kɔ̃m̀bùɔ̀tì tiì duò, kɛ̀ n wɛ̃rímú dèè, n nuɔ ntɛ̃́nkɛ í wúó.

¹²N nɛ́pobɛ̀ nɛ̀ n nɛitinɛ̀ bɛ̀ n kɛntɛ́mu, n kɔbɛ n yentɛ́mu nh ɑ́ɑ̀rìmɛ̀ kpɛ́í.

¹³Bɛ̀ɛ̀ n dɔ́nɛ̀ mukṹṹ mbɛ̀ n dii timɑ́tì nti, bɛ̀ɛ̀ n dɔ́nɛ̀ mɛyɛi nkɛ̀ bɛ̀ n sɑ̃́ɑ̃́, bɛ̀ ɔ̃ ntṹṹ nkɛ nɑ́ɑntɛ n kpɛ́í nkɛ.

¹⁴Mí n nɑɑ́ ndiɔ̃̀nnì ndi, n tɛ̃́nkɛ í yo, n nɑɑ́ nwèè nɔ́ndɛnfɛ̀ dɑ̀ri wènwe n yí nɑ́ɑ́ ntìmɑtì.