YƐSÃÃ 37:1-14

¹Dɑfiti yɛ̀nfɛ̀. A miɛkɛ bɑ́ mpɛ́i bɛyɛibɛ, ɑ bɑ́ nyɑ́ɑ́ mbɛ̀ɛ̀ dɔ̀ɔ̀ri mɛyɛi.

²Bɛ̀ yóó kpeímu mɛcɑ̃ɑ̃ ntimútì kɔ̃mɛ, kɛ́mɔ́tɛ́ tifɑ̃ɑ̃̀tì kɔ̃mɛ.

³Duɔ́ nhɑmɑ́ɑ̀ Kuyie nkɛ́ndɔɔri dɛ̀ɛ̀ wenni, mbonɛ̀ kunɑɑtí dihɛì kù dɑ duɔ́ ndì.

⁴A yɛ̀mmɛ̀ nnɑɑtinɛ̀ ɑ Yiɛ̀ nKuyie, kù bo dɑ duɔ́ nhɑ yɛ̀mmɛ̀ dɔ́ dɛ̀.

⁵Duɔ́ nhɑmɑ́ɑ̀ ɑ Yiɛ̀ nKuyie, kɛ́ nkù bùɔ́, kɛ̀ kùu pĩ́ mmutɔ̃mmú,

⁶kɛ́fei nhɑ borimɛ sɑ̀ɑ̀mɛ̀ kuwenniku kɔ̃mɛ, kɛ́fei nhɑ kó timɔ́mmɔnti diyiè ɔ̃ ncómmú yɛyɔ kɛ dòmmɛ̀.

⁷Ndò nyúóó Kuyie nyììkɛ̀ kɛ kù kèḿmú, ɑ miɛkɛ bɑ́ mpɛ́ì wèè kpɛrɛ yíé, ɑ miɛkɛ bɑ́ mpɛ́ì wèè dɔ̀ɔ̀ mɛyɛi nhò tɑ̃ɑ̃tɛ́ kɛ bo dɔɔ̀ mɛ̀.

⁸Yóu kunɑupíɛ́, yóu kɛmiɛtonnìkɛ̀, ɑ miɛkɛ bɑ́ ncɔ́ú, dɛ̀ ce mmɛyɛi mmɛ.

⁹Kuyie nyóó dɛitɛmu bɛ̀ɛ̀ dɔ̀ɔ̀ri mɛyɛi, kɛ̀ bɛ̀ɛ̀ kù duɔ́ mbɛmɑ́ɑ̀ kɛ̀ bɛ̀ɛ tiekɛ dihɛì.

¹⁰Dɛ̀ kpɑɑ́ sɑ́m̀pɔ́ nwe kɛ̀ bɛyɛibɛɛ deè, kɑ̀ɑ wɑmmú bɛ̀ do borɛ̀ ɑ bɑ́ɑ́ yɑ̀ òmɔù.

¹¹Bɛ̀ɛ̀ yɛ̀mmɛ̀ boo kɛ̀ bɛ̀ɛ tiekɛ dihɛì, kɛ́mbonɛ̀ kunɑɑtí nɛ̀ diwɛ̀ì mɔ́mmɔnni.

¹²Onitiyɛiwe weè wɑntinɛ̀ osɑ̀ù mɛyɛi, kɛ mɛ́ìrì o nɔ̀ùtɛ̀.

¹³Kɛ̀ ti Yiɛ̀ nnɛ́ ò wùó nkɛ dɑú, kɛ yɛ̃́ o yiè duunnímɛ̀.

¹⁴Bɛnitiyɛibɛ bɛɛ̀ kpɑ̀tɛ bɛ kpɑ̀rìse, kɛ deenko bɛ tɑ̃nnɛ̀, kɛ bo dokɛ́nɛ̀ ocĩ̀rì nɛ̀ osénnìwè, kɛ́kuɔ bɛ̀ɛ̀ borimɛ wenni.