12M bí, kɔtɛnɛ̀ní kɛ́ n kéntɛ́, kɛ̀ n di bɛnkɛ di bo ndé mɛ̀ɛ̀ botí Kuyie.
13Kòò mɔù dɔ́ mufòmmu, kɛ bo nfòù kɛ̀ dɛ̀ nɑɑti,
14o nɔ́ndɛnfɛ̀ bɑ́ nnɑ́ɑ́ ntinɑ́ɑnyɛiti, ò bɑ́ nsountɛ.
15Wèe dɛ́tɛ́nɛ̀ mɛyɛi, kɛ́ndɔɔri mɛsɑ̀ɑ̀, kɛ́nwɑɑ̀ nkunɑɑtí kɛ kù bɛ̀tì.
16Ti Yiɛ̀ nKuyie nwùómmu bɛsɑ̀ɑ̀bɛ̀, kɛ yo bɛ dɑbùò.
17Ti Yiɛ̀ nKuyie nkpɑ̀nnɛ̀mu bɛyɛibɛ, kɛ bo bɛ̀ dèè kɛtenkɛ̀ ĩ́nkɛ̀ kɛ̀ bɛ̀ɛ yɛ̃̀ mbɛ kpɛ́í.
18Kɛ̀ bɛsɑ̀ɑ̀bɛ̀ kuɔ́nnɛ̀ ti Yiɛ̀ nKuyie, kù ɔ̃ɔ̃ keèmu kɛ́ bɛ̀ dɛɛtɛ́nɛ̀ mɛhɑ́ɑ́rìmɛ̀ mɛmɔu.
19Ti Yiɛ̀ nKuyie mbonɛ̀mu bɛ̀ɛ̀ yɛ̀mmɛ̀ cɑ̀ɑ̀rɛ̀, kɛ dɛɛrí dɛ̀ di bɛ̀.
YƐSÃÃ 34
YƐSÃÃ 34:12-19