YƐSÃÃ 19:5-12

⁵Kɛ̀ dɛ nɑ́ɑǹtì nɛ́ pitɛ́ kutenkù kumɔu, kɛ̀ bɛ̀ tì kèè itemmɑ̀nkɛ imɔu. Kuyie ndɔ̀ɔ̀ diyiè cĩ́ɛ̃̀tɛ̀ kɛĩ́nkɛ̀ nkɛ.

⁶Kɛ̀ dì ɔ̃ nyɛtìní kɛ do nwèè tùótɛ́ o pokù bɑ̀mbɑ̀, kɛ dò ndikɔ̃m̀bùɔ̀ yiɛ̀ nwèè kèrí o cɛ kɛ̀ dɛ̀ ò nɑɑti.

⁷Kɛ̀ dì ɔ̃ɔ̃ yɛ̀nní ku ntemmɑ̀nku kɛ́nkérí kɛ́tɑ kutɛkù, dɛ̀mɑrɛ̀ í yennínɛ̀ di iìnkù.

⁸Kuyie nkuɔ́ dò mpɑ́íí nwe kɛ duɔ̀ mmufòmmu, ku tɑnnɔ̀ tu yɛmɔ́mmɔnyɛ nyɛ, kɛ ciìnko bɛsĩ́ntíbɛ̀.

⁹Kuyie ndɔ́ dɛ̀ wennimu kɛ nɑ́ríkùnko mɛyɛ̀mmɛ̀, ku tɑnnɔ̀ dò mpɑ́íí nwe kɛ nɑ́ríkùnko inuɔ.

¹⁰A bo ndémɛ̀ Kuyie ndɛ̀ wennimu, dɛ kó fɛdédíéfɛ̀ ɔ̃ mbo sɑ̃́ɑ̃̀ nwe. Kù tɑ̃ɑ̃tɛ́ tì wennimu kɛ tú timɔ́mmɔnti.

¹¹Tì wenninɛ̀mu mɛsɔɔ, kɛ pɛ̃nkù mɛsɔɔ nsɑ̀ɑ̀mɛ̀ kuwenniku. Tì wɛ̀ɛ̀tinɛ̀mu mɛcekùɔ̀, kɛ pɛ̃nkù mɛcekɔ̀bɛ́mmɛ̀ kunɑɑtí.

¹²A dɛ̀ tiènnɛ̀ mí nwe ɑ kóo tɔ̃ntì. Wèè yié nhɑ kpɛti ò pɛ́úmu mucɔ̃́ntimu diɛmù.