YƐSÃÃ 17:2-8

²Fɔ̃́ɔ̃̀ yó m bekɛ́nɛ̀, fɔ̃́ɔ̃̀ yó m pútɛ́ n nɑɑtimu.

³A yɛ̃́mu n yɛ̀mmɛ̀, ɑ n séúmu kɛyènkɛ̀, kɑ̀ɑ n fiɛ ɑ í yóó yɑ̀ tìmɑtì, tìì bo n yɛ̀mmɛ̀ tiì yìɛ̀ní n nùù.

⁴A nɑ́ɑǹtì tiì n ni, kɛ n yennínɛ̀ mmɑ́ɑ̀ bɛyɛibɛ kó icɛ.

⁵N tũmmu weti weti ɑ cɛ, n tɑ̀ɑ̀kɛ í kpeutí.

⁶Kuyie n dɑ yumu kɛ́ yɛ̃́ ɑ yó n tɛ̃́nnɛ́mɛ̀, kéntɛ́ m bíɛ́kɛ̀ kɛ́keè n dɑ nɑ́ɑ́ ntì.

⁷Bɛnkɛ ɑ sɑ̀ɑ̀ n diɛmɛ̀ fɔ̃́ nwèè dɛɛrí bɛ̀ɛ̀ wɑnti disɔ̀rì ɑ borɛ̀, kɛ bɛ̀ fèkù bɛ dootitɔbɛ̀ nɔu miɛkɛ.

⁸N ni nkɑ̃nkɛ́ kunɔmpòkù ɔ̃ nkɑ̃nkɛ́mɛ̀ tɛnɔnnìtɛ̀, bɛnitiyɛibɛ bɛ̀ɛ̀ n fɛ̃́ũnko bɛ kpɛ́í, ɑ nni ndíɛ́kɛ́ ɑ kó mɛdɛ́ɛ̀. N dootitɔbɛ̀ yonkubɛ bɛ̀ɛ̀ n fitɛ́ bɛ kpɛ́í.