3Ti Yiɛ̀ nKuyie ndɛumu mɛdiɛ̀ kɛ mɑ̀nnɛ̀ disɑ̃nni, kù dɛumu kɛ í mɔkɛ kumɑ̀nku.
4Bɛnìtìbɛ̀ yɛmɔ̀rɛ̀ yɛmɔu kɔbɛ sɑ̃ntímu ɑ tɔ̃ndiɛmù, kɛ yó nnɑ́ɑ́ nhɑ tɔ̃mmú dɛumɛ̀.
5N yó nnɑ́ɑ́mmú ɑ yetidiɛrì nɛ̀ ɑ kpetì nɛ̀ ɑ sɑ̃nni, n yó nnɑ́ɑ́mmú bɛnìtìbɛ̀ ɑ tɔ̃ndiɛmù kpɛ́í.
6Bɛnìtìbɛ̀ yó nnɑ́ɑ́mmú ɑ kpeńnìmɛ̀ kɛ duò tikɔ̃m̀bùɔ̀tì, kɛ̀ mí nní nnɑ́ɑ́ nhɑ dɛumɛ̀.
7Bɛ̀ yó ndeninímu ɑ̀ sɑ̀ɑ̀ ndɛumɛ̀, kɛ pĩɛ̃kù ɑ túmɛ̀ timɔ́mmɔnti yiɛ̀.
8Ti Yiɛ̀ nKuyie mmɔ̀kɛ onìtì kó mɛsémmɛ̀ mmɛ kɛ sɑ̀, ku miɛkɛ í cɑ̃ɑ̃ kɛ pɛ́íkú kɛ̀ kù ti dɔ́ mɛdiɛ̀.
9Ti Yiɛ̀ nKuyie nnìtimu timɔu ti kpɛ́í, kù dɔ́mu mɛdiɛ̀ kù dɔ̀ɔ̀ dɛ̀ dɛmɔu.
YƐSÃÃ 145
YƐSÃÃ 145:3-9