YƐSÃÃ 132:1-7

¹Bɛ̀ ɔ̃ ndentì fɛ̀ɛ̀ yɛ̀nfɛ̀ kɛ kɔri Kuyie ncĩ́ɛ̃̀tɛ̀. N Yiɛ̀ nKuyie ndentɛní Dɑfiti kpɛ́í, ɑ bɑ́ɑ́ yɛ̃̀ ntihɔ̀ùtì ò ɔ̀u tì.

²Kuyie nSɑkɔbu do tũ nkù kpeńnìmu, Dɑfiti do kù dɔúnnɛ̀mu dinùù, kɛ́pɑrìkɛ̀ kɛ́yú ku yètìrì kɛ dɔ̀:

³M bɑ́ɑ́ tɑ n cĩ́ɛ̃̀tɛ̀ miɛkɛ bìtì, m bɑ́ɑ́ duɔ́ n dɔ́ù ĩ́nkɛ̀ kɛ́om̀pɛ̀.

⁴M bɑ́ɑ́ yie nkɛ̀ n nuɔ nhṹṹ, m bɑ́ɑ́ yie nkɛ̀ munɔndɔmmú m pĩ́.

⁵Kɛ̀ n yí pɛ̀tɛ́ n Yiɛ̀ nKuyie ndikɑ̀rì, kɛ̀ n yí pɛ̀tɛ́ tɛcĩ́ɛ̃̀tɛ̀, Kuyie nkùù kpeńnì, Sɑkɔbu do tũ nkù kpɛ́í.

⁶Ti do kèèmu Kuyie ntɑummɛ̀ tɔu bomɛ̀ Efɑdɑtɑ, kɛ̀ ti di yɑ̀ Yɑɑri kó dɛpɑɑ mmiɛkɛ.

⁷Ti tɑnnɛ̀ ti Yiɛ̀ nKuyie ncĩ́ɛ̃̀tɛ̀ kɛ́nínkú kɛ́sĩ́nnɔ́ɔ ku ììkɛ̀.