YÃGƆ̃GƆ̃RINƆ 3:20-28

²⁰Ɛgɛlↄni vutɛna ado kpɛ́ musu ĩampakia, akũ Ɛudu nài à pì: Má yã kũ à bò Luda kĩnaa vĩ mà onnɛ. Kũ kína pìi fùtɛ a gbàaa,

²¹akũ Ɛudu a fɛ̃nɛ gà à wòto a ↄpla gbádaa kũ ↄzɛo, akũ à a zↄ̃̀o a gbɛrɛa.

²²Akũ fɛ̃nɛ pìi gɛ̃̀ a gbɛrɛn kũ a páo pínki ari à bò a kpɛ. Ɛudu dí fɛ̃nɛ pì wotoro ari a gbɛrɛ nísi dàala.

²³Ɛudu bò kpɛ́lɛlɛa à kpɛ́ ĩampaki pì zɛ́ tàta à mↄ̀da kã̀.

²⁴A bona gbɛra Ɛgɛlↄni zĩ̀rinↄ sù ò è ĩampaki pì zɛ́ tatana ò kã̀, akũ ò pì: Ke àtɛn bĩnikpɛ kɛ kpɛ́ ĩampakian yá?

²⁵Òtɛni a dã ari ò bídi kɛ̀. Kũ ò è adi zɛ́ wɛ̃ńnɛro, akũ ò mↄ̀nɛ sɛ̀ ò wɛ̃̀ ò gɛ̃̀ ò ń dikiri è wutɛna zĩtɛ gɛ̀ ũ.

²⁶Gↄrↄ kũ òtɛn kína dã lɛ, Ɛudu bàa lɛ̀ à dò tãna pìnↄi à tà Seira.

²⁷Kũ à kà gwe, à tò ò kuru pɛ̀ Ɛflaimu gukpiden, akũ Isarailanↄ kìpa kãao kpinↄa, Ɛudu dòńnɛ arɛ.

²⁸À pìńnɛ: À tɛ́mai, zaakũ Dikiri á ibɛrɛ Mↄabunↄ nàárɛ á ↄĩ. Ò tɛ̀i, akũ ò Yoda bikũki kũ àdi gɛ́ Mↄabunↄ bùsun sì, odi we gbɛ̃ke bikũ doro.