YÃGƆ̃GƆ̃RINƆ 15:2-10

²à pì: Matɛn da n yeimɛro, akũ ma a kpà n gbɛ̃nnaa. A dakũna mana deala. Ǹ a sɛ́ a gɛ̃nɛ ũ.

³Samusi pìńnɛ: Tó ma yã vãni kɛ̀ á Filisitininↄnɛ sà, manigↄ̃ taari vĩ doro.

⁴Samusi gɛ̀ɛ à gbɛ̃gbonnↄ kũ̀kũ wàa do kũ basↄↄroo, akũ à sɛ̃̀ɛ yĩ̀yĩ térereterere. À gbɛ̃gbon pìnↄ vlã yĩ̀yĩkↄ̃a plapla, akũ à sɛ̃̀ɛ pìi yĩ̀yĩ ń vlã pìnↄa.

⁵À tɛ́ nà sɛ̃̀ɛ pìnↄa, akũ à gbɛ̃gbon pìnↄ gbàrɛ Filisitininↄ bura. Ń pↄ́wɛnↄ tɛ́ kũ̀ pínki kũ ń pↄ́wɛ gbànↄ kũ ń geepi búnↄ kũ ń kùkpɛnↄ pínki.

⁶Akũ Filisitininↄ pì: Dí mɛ́ à yã dí taka kɛ̀wɛrɛɛ? Akũ ò pì: Samusimɛ, Timina gbɛ̃ anzuree. A anzuree pì a nↄ sìamɛ, akũ à kpà a gbɛ̃nnaa. Akũ Filisitininↄ gɛ̀ɛ ò tɛ́ sↄ̃̀ nↄ pìia kũ a deo.

⁷Samusi pìńnɛ: Zaakũ a kɛ̀ lɛ, mani kámma boro ari ma gɛ fĩna booáwa.

⁸À sì ń tɛ́ à ń kɛ́ dúgudugu, ń dɛdɛnaa pì gɛ̃̀ onala, akũ à gɛ̀ɛ à vùtɛ Etamu gbɛ̀wɛɛn.

⁹Filisitininↄ gɛ̀ɛ ò bùraa kàtɛ Yudanↄ bùsun, ò dàgula ari Gɛrɛwa sarɛ.

¹⁰Akũ Yudanↄ ń lá ò pì: Bↄ́yãi a suwái kũ zĩ̀ioo? Akũ ò pì: O su ò Samusi kũmɛ, de ò kɛnɛ lákũ à kɛ̀wɛrɛ nà.