Uyuhana 11:32-55

³²Sa Maryamu mabiki ahira a Yeso, ma rizi atibuna tumeme, magu, “Asere, agi wa zi nan haru, uhenu um mada wonoba”.

³³Sa Yeso ma irame mazinna so, nan ma Yahudawa ma gino sama tar sime, ma bassa anyimo abibe bilau makuri ma wuzi ma aye.

³⁴Magu, “Abani ya natameni?” bawa gunme, “Asere, aye ira”.

³⁵Yeso ma shi.

³⁶Ma Yahuidawa wagu, “ira u hemme sama zini ahira a Li'azaru!”

³⁷Aye wagu, “Unu geme sa ma nya u rubo u hira hira, madake makarti unu uge me iwonoba?

³⁸Yeso mazinnu basa abanga in nice nume, madusa icaume, icaume ubere unu a inpin inipo.

³⁹Yeso magu, “Akari nipome” matta u he nu u Li'azaru sa wi, magun Yeso, “Asere, nipomme naa mu ma wuna tiye tinaazi”.

⁴⁰Yeso magunme, “Magunan u inki wa hem udi iri ubari Asere”.

⁴¹Wa kari nipome. Yeso ma yeze aje magu, “Acoo, ankoi barki u kunnam”.

⁴²In rusa ukunnam vat uganiya, barki nigura nige sana katem inzin tizee tiginome, barki wa hem hamani wa tumam.

⁴³Sama guna anime, mayeze nimyiran magu, “Li'azaru, suro!

⁴⁴Uni wonome ma suri, tibuna tumeme nan tari me atirzi innu malti, muhenu me a impi unu poru. Yeso maa gunwe, “Soponi me, madusa”.

⁴⁵Anyimo Yahudawa sa wa eh ahira a Maryamu wa iri mmme sa Yeso ma wuza, wahem.

⁴⁶Aye wukuri ahiraanu bezi urusa wa buku we imumbe sa Yeso ma wuza.

⁴⁷Ana katuma kadang ka sere nan anu bezi urusa wa ari ti cukum ahira inde, wagu, “nyaani tidi wuzi?” unu geme mazin nu bezi imum gbardang.

⁴⁸Inki ta ceki me anime, vat wadi hem imme, ma Romawa wadi eh waburi a hira aru nan ti mum tiru.

⁴⁹Vat anime, uye anyomo, kayafa sa me mani unu dangdang ukatuma ka sere aniwe niginome, magun wa “Ita shi imumba”.

⁵⁰Daki ya merum unu inde mawi barki anu, innu vat ta nu wawi.

⁵¹Mabuki anime barki daki ni ce nu meba, barki me mani una katuma ka sere kadang, mawuzi tizee tigino ubezi uguna Yeso madiwi wi barki anabu.

⁵²Daa barki sa anu cas ba, barki a orso ahana Asere sa wa shagali ahira a inde.

⁵³Datti usuro uwui ugino me watubi unyara una uhuna u Yeso.

⁵⁴Datti abinime Yeso ma cekki tanu amasa anyimo a Yaudawa, makuri unire nikira anija ai pine sa atissa Ifraimu. Abirko me ma cukunonan nanu tarsa umeme.

⁵⁵Uganiya vidi wa Yahudawa wa eh maa mu, vat uwe wadusa u urshalima ani kira nini pin me da uwui u idime wamu aye ba barki wa kpici ace a we.