Taalie 21:6-19

⁶Harige naxan sɔtɔxi wule ra, a mu buma, a mixi xaninma nɛ aligiyama.

⁷Mixi ɲaaxie xun nakanama nɛ, barima e mu tinxinyi rabatuma.

⁸Mixi kobi mu tinxin, kɔnɔ mixi fanyi a ɲɛrɛma kira tinxinxi xɔn ma.

⁹Lufe ra banxi fari ma, a fisa lufe ra ginɛ geresoe sɛɛti ma banxi kui.

¹⁰Mixi ɲaaxi wama fe ɲaaxi nan tun xɔn ma. A mu kinikinima mixi yo ma, hali dɔxɔboore.

¹¹Xaxilitare na a to e mixi mayele ɲaxankatama, a xaxili di sɔtɔma nɛ, kɔnɔ xaxilima tan fahaamui sɔtɔma lɔnni nan kui.

¹²Ala naxan tinxin, a mixi ɲaaxi matoma nɛ, a e xun nakana.

¹³Mixi naxan tondima a tuli matide setare wa xui ra, a fan fama nɛ wade, mixi mu a tuli matima a ra.

¹⁴Bɔɲɛte kife gundo ra, a bɔɲɛ ragoroma nɛ. Mixi kife suturɛ ra, a xa xɔnɛ magoroma nɛ.

¹⁵Ɲɛrɛfe tinxinyi kui, na findixi sɛɛwɛ nan na tinxintɔɛ bɛ, kɔnɔ na ɲɛrɛ ki mɔɔli mu rafan mixi ɲaaxi ma.

¹⁶Mixi naxan gbilenma kira fanyi fɔxɔ ra, na fama nɛ lude mixi faxaxie ya ma.

¹⁷Mixi naxan birama a waxɔnfe gbansan fɔxɔ ra, na luma nɛ setareɲa kui. Mixi naxan wɛni nun donse fanyi tun fenma, na mu bannama.

¹⁸Mixi ɲaaxi findima tinxintɔɛ xunsare nan na, yanfante findi mixi fanyi xunsare ra.

¹⁹Lufe ra gbengberenyi ma, a fisa lufe ra ginɛ fitinɛtɔɛ sɛɛti ma.