Sam 92:4-8

⁴Kei Zihova, Agoi si va qetu au koari na Mua tinavete, kera qetuqetu si rau koari na tinavete pa Limamu Goi.

⁵Kei Zihova, nomadi hola sari na Mua tinavete, meke lohidi hola sari na Mua binalabala!

⁶Sa ginugua hie si lopu boka gilania rina tie duvili, meke ari na tie pu lopu gilania sa Tamasa si lopu boka tumae nia,

⁷sapu sari na tie kaleadi si gina kote toa valeana guana duduli, meke sarini pu va kalekaleana si boka mamutu, ba kote ta huarae beto taloa hokara si arini,

⁸sina Agoi Zihova si koa na ṉati hiniva ninae rane.