Sam 81:12-16

¹²Gua asa ke va maluara lani mo Rau pude luli rini sari na bulodi pu tasunadi, pude madi luli sari na dia hiniva soti.

¹³Okoro hola ni Rau pude va avoso Au rini, meke okoro hola ni Rau pude va tabe Au rini!

¹⁴Meke kaqu tuturei va kilasi Rau sari na dia kana, meke kote seke la nia Rau sa Limaqu koarini.

¹⁵Arini pu kukiti Nau, si kaqu hoqa todoṉo pa minatagutu pa kenuqu Rau, meke sa dia vina kilasa si kaqu koa hola ninae rane ka rane.

¹⁶Ba kaqu poni gamu Rau sa huiti sapu tava memehena valeana, meke kaqu poni va deṉa ni gamu zipale pinomo Rau si gamu.”