Sam 64:4-9

⁴Tuturei hola si arini pude tozi va enei, sari na dia sinekesekei na zinama kohakoha variva kurekuredi. Lopu matagutu si arini pude ṉoṉovali sari na tie leadi.

⁵Varizuka va ṉiṉirai si arini koari na dia ṉati binalabala seadi. Varivivinei nia rini vasina kaqu vekoi rini sari na dia sipata. “Loke tie kote dogoro gita,” gua si arini.

⁶“Esei si boka hata vura ni sari na nada tinavete kaleadi? Ele pada tome valeani gita sari nada binalabala,” gua si arini. Ura sari na binalabala pa bulona tie si tava paere.

⁷Ba kaqu gona ni tupi Tamasa si arini, meke kaqu hinoqa mate si arini.

⁸Kaqu tava kilasa si arini pa guguadi sari na dia zinama, meke ari doduru pu dogorodi si kote va qenoqeno batudi meke zama va sisire ni;

⁹Kaqu matagutu sari doduru tie, meke kaqu balabala ia rini gua sapu evaṉia sa Tamasa, meke kaqu totozia rini koari na tie sari nana tinavete.