Sam 34:1-8

¹(Keke kinera te Devita totoso pekipeki si asa meke tavasare si asa koasa baṉara Abimeleki.) Kaqu va lavatia rau se Zihova doduru totoso. Lopu kaqu makudo sa qua vinahesi la koa Sa.

²Kaqu va lavatia rau se Zihova, koari doduru Nana tinavete, sarini pu ta ṉoṉovala si kaqu avosia meke koa qetu.

³Aria mada tozi vura nia sa vina lavatana e Zihova; mada keke gua vahesia sa pozana Sa!

⁴Tepa la ia rau se Zihova meke olaṉia Sa sa qua vinaravara; vata rupahau Sa koari doduru qua minatagutu.

⁵Sarini pu ta ṉoṉovala si kalavarae koa Sa meke koa qetu, lopu kaqu hite tava kurekure si arini.

⁶Koa pa tinasuna nomana si rau meke tepa la koe Zihova, meke avosau Sa si rau. Harupau Sa si rau koari doduru qua tinasuna.

⁷Sa mateana te Zihova si koa kapae meke kopu ni sarini pu pamaṉa nia si Asa, meke harupi Sa pa dia tinasuna.

⁸Podekia mamu tumae nia, sapu leana sa hahanana te Zihova. Qetu tugo si asa sapu kalavarae koa Sa.