1Lɛ pↄ́ Davidi dà gↄↄ pↄ́ à azĩa dìlɛ ĩ́ande ũ Abimɛlɛki aɛ, ↄ̃ Abimɛlɛki aà yà, à tà.
2Máↄ Dii sáaukpa gↄↄpiiɛ, míↄ aà táasilɛ lá gu lɛ́ dↄ.
3Máↄ ĩ́anadã Dii yã́ musu, taasideↄ i ma, aai pↄnakɛ.
4À zↄ̃ↄkɛ dↄ̃ Diiɛmanↄ, wí aà tↄbↄ sãnu.
5Ma Dii kĩ́i wɛ̀ɛlɛ ↄ̃ a wèa, à ma bↄ ma sↄ̃̀deedee guu.
6Gbɛ̃́ pↄ́ aà wɛ́ dↄaàzi a yáalↄ, aà gɛɛ a gↄ̃ kpa aà wɛ́i bauo.
7Ma taasidekɛ guu ma lɛzù Diizi, ↄ̃ à ma yãmà à ma bↄ ma yooyea píi guu.
8Dii Malaika ìↄ ku a vĩakɛnaↄ saɛ, ì ń bↄ.
Soũↄ 34
Soũↄ 34:1-8