Sam 28:4-7

⁴Va kilasi koari na tinavete pu taveti rini, koari na dia tinavete kaleadi; Mu tabara ni koari na tinavete pu evaṉa ni rini pa limadia, poni pule lani gua sapu garodi.

⁵Lopu hite doṉo la ia rini gua sapu evaṉia e Zihova, babe gua saripu ele va podaki Sa; ke kaqu va kilasi Sa si arini, meke va eoṉo hokari Sa.

⁶Vahesia se Zihova, ura ele avosia Sa sa qua tinepatepa tinokae.

⁷E Zihova si na qua ṉiniraṉira, lavelave hukata nau na harupau Sa, Kalavarae koa Sa sa buloqu, toka nau Sa, ke qetu nia rau. Ke vahesia rau si Asa pa kinera.