Sam 22:3-8

³Ba na Baṉara Hopemu si Goi, pu tavahesi koari na tinoni Izireli.

⁴Sari na tamamami pukerane si kalavarae koa Goi; raṉe Igo rini si Goi, ke ele harupi Goi si arini.

⁵Tepa atu koa Goi si arini, meke tava sare pa tinasuna, kalavarae koa Goi si arini, ke lopu tava kurekure.

⁶Na loke laequ hokara guana uloso mo si rau, ta ṉoṉovala meke ta hakohakoe si rau koari na qua kana.

⁷Sari doduru pu dogorau si va sisire nau, na pesipesi va kaleanau rini na qenoqeno batudi.

⁸“Dotu, kalavarae si asa koe Zihova,” gua si arini. “Ba venagua ke lopu harupia tu e Zihova si asa? Be guana qetuqetu nia e Zihova si asa si mani va sarea tu,” gua si arini!