Sam 144:9-15

⁹Kei Tamasa, kaqu kera atu nia rau si keke kinera vaqura, kaqu mike na kera atu nia rau koa Goi si keke mike hapu sapu ka manege puta madorona,

¹⁰Agoi pu va mataqari sari na baṉara, meke sapu va sarea se Devita sa Mua nabulu pa vinaripera.

¹¹Mu harupau koari na qua kana ṉoṉovaladi, Mamu va sare au pa ṉiniraṉira tadi na votiki tie pu hola mari kokohadi, meke gua saripu ele tokotokoro ni rini, ba kokoha ni tugo rini.

¹²Sari na tuda koreo vaqura, si madi koa guana linetelete pu toqolo va noma, meke sari na tuda vineki si madi koa guana sinokirae tolavaedi, sapu ta tavete pude na vinasari na sa vetu baṉara.

¹³Sari nada lose vekovekoana ginani, si madi siṉi na vuadi ri votivotiki linetelete. Sari na nada sipi si madi podopodo va soku, kamoa tina na tina, meke kamoa manege puta tina koari na dia bara.

¹⁴Sari na nada bulumakao si madi podopodo va soku, sari gobagoba si madi lopu ta huara koari na kana. Mani lopu ta avoso si keke kinabo tinalotaṉa koari na kinaleadi pu taveti rina kana pa korapana sa nada vasileana nomana.

¹⁵Madi koa qetu sarini vasina ta evaṉa saripu gua sara! Madi koa qetu sari na tie pu na dia Tamasa se Zihova.