Yontu 144:9-15

⁹Hɑɩ, Ɩsɔ, mɑɑ yoo-ŋ yontu kʋfɑtʋ, nɑ mɑ́ sɑ-ŋ ŋmɩɩsɩ nɑɑnʋwɑ cəmʋɣʋ tɔɔ.

¹⁰Nyɑ́ wɑɑsəɣənɑ ɑwulɑɑ. Nyɑ́ yɑpənɑ nyɑ́ təmlɛ tʋ Tɑfiiti kɛ lɑɣɑtɛ nɔɣɔ tɑɑ.

¹¹Hɛtɩ-m nɑ ń yɑ-m kpɑɩ nyə́mɑ niŋ tɑɑ. Kɑloolɑɣɑ kɛ pɑ nɔɔsɩ yɔɣɔtəɣɩ, nɑ pɑ́ kpɑɑsəɣɩ pɑ niŋ ntɔɣɔŋ nɑ pɑ́ tuukinɑ pɔpɔtʋ.

¹²Tɑ pəyɑlɑɑ ɩ́ wɛɛ ɩsɩɩ tɩɩŋ wei ɩ wɛ tɑwɑ tɑɑ nɑ ɩ́ pɩɩkɩ ɩ pəcɑɑtʋ tɔ. Tɑ pɛɛlɑɑ ɩ́ wɛɛ ɩsɩɩ Ɩsɔ təsɛɛlɛ ɑkelenɑɑ mpɑ pɑ lɑpɑ kɑcɔkɑ kɛ teu tɔ.

¹³Tɑ́ kpeeŋ ɩ́ sunɑ tɔɣɔnɑsɩ nsɩ sɩ tənɑ, nɑ tɑ́ tɔlɑ nɑ́ɑ́ hukiɣi sɔsɔm nɑ ɑ wɛ tuutuumɑ kɛ tɑwɑ tɑɑ.

¹⁴Tɑ́ nɑɑŋ ɩfɑlɛɛ ɑlʋnyənɑ ɩ́ lʋləɣɩ. Wɑhɑlɑ nɔɣɔlʋ, yɑɑ kolontunɑɑ ɩ́ tɑɑ kuu-tʋ. Wulɑ ɩ́ tɑɑ wɛɛ tɑ́ hɑpɛɛ tɔɔ.

¹⁵Leleŋ nɩɩlɑɑ ntɛ́ yəlɑɑ mpɑ pɑ wɛnɑ pə tənɑɣɑ mpʋ tɔ. Leleŋ nɩɩlɑɑ ntɛ́ mpɑ pɑ Ɩsɔ kɛlɛ Tɑcɑɑ tɔ.