SALMOS 96:8-13

⁸Xijtlepanitaca TOTECO quen quinamiqui. Xijhualiquilica tlacajcahualistli huan xiyaca icalixpa itiopa.

⁹Xihualaca huan xijhueyichihuaca TOTECO. Quena, xijhueyichihuaca ica se amonemilis catli yejyectzi huan tlatzejtzeloltic. Huan nochi tlaltipactli ma huihuipica iixpa.

¹⁰Xiquinpohuilica nochi tlalme para Toteco tlanahuatía. Tlaltipactli quitlalijtoc cuali huan amo quema mijcuinis campa quitlatzquiltijtoc. Huan Toteco Dios xitlahuac quintlajtolsencahuas nochi altepeme.

¹¹¡Ma paqui ilhuicactli huan nochi tlaltipactli! ¡Nochi huejhueyi atl ma mocoxonica iixpa Toteco ica paquilistli!

¹²¡Ma paqui nopa cuatitlamitl huan nochi catli onca, pampa nochi cuame quinextíaj para Toteco tlahuel hueyi! Quena, ma tzajtzica nopa cuame para quipaquilismacase iixpa TOTECO,

¹³pampa yaya huala. Quena, yaya hualas para quitlajtolsencahuas catli itztoque ipan ni tlaltipactli. Quena, quintlajtolsencahuas masehualme ipan nochi altepeme quen quinamiqui. Quena, quema tetlajtolsencahuas, nochi quimatise para quichihua catli melahuac.