Ola Saam 96:8-13

⁸Preisim det haibala neim blanga YAWEI. Bringim ofring en kaman langa im Serramoni Pleis.

⁹Ebribodi langa dijan wel garra meigim miselp lobala en weship langa YAWEI det brabli haibalawan.

¹⁰Dalim pipul langa ola kantri, “YAWEI im boswan! Dijan graun im jidan langa im rait pleis en najing kaan mubum im. Im garra jadjim ola pipul en gibit olabat feyago.”

¹¹Graun en skai, jidan gudbinji. Solwoda en ola enimul weya jidan insaid langa solwoda jingat gudbinjiwei.

¹²Ola kantri en ebrijing weya jidan langa olabat, jidan gudbinji. Ola tri langa ola bush kantri sing gudbinjiwei.

¹³Wen YAWEI kaman blanga jidan boswan langa dijan wel, im garra jidan bos blanga ola pipul brabli trubalawei, en det wei weya im gibitbat pipul feyago.