SALMOS 95:2-10

²Ma tiyaca iixpa Toteco para tijtlascamatise ica nochi toyolo. Ma tijpaquilismacaca ica huicatl.

³Pampa TOTECO yaya se Dios Catli Tlahuel Hueyi. Yaya nopa Hueyi Tlanahuatijquetl huan amo quen nochi sequinoc totiotzitzi catli masehualme quinhueyichihuaj.

⁴Imaco eltoc nochi nopa ostotl catli más huejcatla huan nopa tepeme catli más huejcapantique. Nochi iaxca ya.

⁵Yaya iaxca nopa hueyi atl huan tlaltipactli, pampa yaya quichijchijqui.

⁶Xihualaca, ma tijhueyichihuaca huan ma timoixtlapachoca hasta tlalchi iixpa TOTECO, yaya catli techchijchijqui.

⁷Pampa yaya toDios huan tojuanti tiimasehualhua. Tiitztoque quen tiiborregojhua catli yaya quinmocuitlahuía. Achi cuali sintla anquitoscacaquise Toteco.

⁸(Toteco quiijtohua:) “Amo ximoyoltetilica quen israelitame quichijque huejcajya ipan nopa huactoc tlali catli itoca Meriba huan Masah.

⁹Nopona amohuejcapan tatahua nechyejyecojque para quiitase tlaque nijchihuasquía. Huan quichijque ya ni masque ipa ya quiitztoyaj nopa huejhueyi tiochicahual nextili catli na nijchijtoya iniixpa.

¹⁰Para cuarenta xihuitl nicualantoya ininhuaya, pampa ininyolo huan inintlalnamiquilis eltoya huejca tlen na. Huan hasta ama amo moselijtoque quitoquilise notlanahuatilhua.