19Quena, ica se tlatoctzi tlamis nochi ininpaquilis. Huan itztose ipan majmajtli para nochipa.
20¡Nochi ininnemilis eltoc quen se temictli! Quena, quen quema se cochtoc huan isatiquisas, Toteco, quej nopa quema timotlananas huan tiquinhuejcamajcahuas.
21Quema niquitac ya ni, nelía tlahuel nicualanqui huan hasta nechcocohuayaya noyolo.
22Pampa niquitac para tlahuel nihuihuitic nieltoya. ¡Hasta ninesiyaya moixpa quen se nitlapiyali catli amo quipiya itlalnamiquilis!
23Pero masque ya ni nopantic, nochipa niitztoc mohuaya ta, Toteco, huan techitzquijtoc ipan nomanejmac.