SALMOS 71:4-11

⁴NoTeco Dios, techmanahui ininmaco ni mosisinijca tlacame huan temictiani.

⁵TOTECO, ta catli titoTeco, san ipan ta nimotlatzquilijtoc, huan san ipan ta nimotemachijtoc hasta tlen quema niconetzi. Huan quej nopa nitelpocatixqui.

⁶Ta nochipa tiitztoc nohuaya hasta quema noja niitztoya iijtico nonana. Quena, tlen iijtico nonana ta techquixti huan nochipa techpalehuijtoc. ¡Yeca tlahuel nijnequi nimitzpaquilismacas para nochipa!

⁷Miyac san nechsentlachilíaj pampa quiitaj quenicatza techmocuitlahuía.

⁸Semilhuitl nimitzpaquilismacas huan nimitzhueyimatis por nochi catli techchihuilijtoc.

⁹Amo techtlahuelcahua ama quema ya nihuehuentzi huan ayacmo nijpiya fuerza.

¹⁰Pampa nocualancaitacahua nechejelnamiquij, huan san sejco mosentilijque ininhuaya sequinoc catli quinequij nechmictise.

¹¹Huan quiijtohuaj: “¡Ma tijtepotztocaca para tiquitzquise pampa iDios ya quitlahuelcajtoc, huan amo aqui huelis quimanahuis!”