SALMOS 65:8-12

⁸¡Yeca nochi masehualme catli itztoque hasta campa ontlantoc tlaltipactli, mitztlepanitaj huan mitzimacasij para mitzixpanose quema quiitaj nopa huejhueyi tlamantli catli tijchihua! Tijchihua para masehualme ma paquica tlen quema tlanesi huan hasta quema tlayohuiya.

⁹Ta ticatequía ni tlaltipactli para ma tlaelilti. Nopa hueyame catli ta moaxca amo quema huaquij. Ta tijcualtlalía ni tlali para momasehualhua ma quitocaca ininxinach, huan teipa tijchihua para ma onca se hueyi pixquistli.

¹⁰Ta tijxolonía ica miyac atl nopa surcos ipan mila. Tijchihua ma huetzi atl para ma yamaniya nopa tlali huan ma poxoni nopa tlaltojtolomitl. Huan tijchihua para ma ixhua nochi tlamantli tlatoctli ipan nochi tlaltipactli.

¹¹Teipa sesen xihuitl tijtlamiltía ica se pixquistli catli nelía yejyectzi. Huan nopa mixtli tijchihua para tlaquiyahuiltía miyac.

¹²Onca sacatl ipan huactoc tlali, huan campa tlaixtemolis moscaltíaj cuajcuali xihuitl, huan temacaj ininxochiyo. Nesi quen moscaltíaj ica miyac paquilistli.