SALMOS 5:2-6

²Ta tinoTeco Dios catli tiitztoc tinotlanahuatijca, techtlacaquili quema nimitztlajtlanía techpalehui, pampa amo aqui seyoc nijtlajtlanía. San nimotlatlajtía moca ta.

³Sese ijnaloc nelcualca nimitzpohuilía catli nechpano, TOTECO. Mojmostla nimitztlajtlanía catli monequi, huan san nimochiya para technanquilis.

⁴Ta tiToteco Dios catli amo mitzpactía catli amo cuali. Yeca amo tiquincahuilía amo cuajcualme ma itztoca mohuaya.

⁵Catli mohueyimatij amo hueli moquetzase moixpa. Tiquincualancaita nochi catli quichihuaj catli amo cuali.

⁶Tiquintzontlamiltía masehualme catli istlacatij. Quena, TOTECO, amo tijnequi tiquinitas catli tlacajcayahuaj huan temictíaj.