SALMOS 5:2-6

²Ta tinoTeco Dios tlen tiitztoc tinotlanahuatijca, xinechtlacaquili quema nimitztlajtlanía xinechpalehui, pampa axaca seyoc nijtlajtlanía. San nimomaijtohua moca ta.

³Sese ijnaloc nelcualca nimitzpohuilía tlen nopanti, TOTECO. Mojmostla nimitztlajtlanía tlen monequi, huan san nimochiya para tinechnanquilis.

⁴Ta tiToteco Dios tlen ax mitzpactía tlen ax cuali. Yeca ax tiquincahuilía ax cuajcualme ma itztoca mohuaya.

⁵Tlen mohueyimatij ax hueli moquetzase moixpa. Ax tijnequi tiquinitas nochi nopa tlacame tlen quichihuaj tlen ax cuali.

⁶Tiquintzontlamiltía tlacame tlen istlacatij. Quena, TOTECO, ax tijnequi tiquinitas tlen tlacajcayahuaj huan temictíaj.