SALMOS 56:3-7

³Pero quema nijmati nimajmahui, na nimotemachía ipan ta.

⁴Nijhueyichihua Toteco Dios huan nimotemachía ipan ya para nechmanahuis quen techtlajtolcahuilijtoc quichihuas ipan icamanal. Huajca pampa nimotemachía ipan ya, ¿tlaque huelis nechchihuilis se masehuali?

⁵Tlatoctzitzi quipatlaj nocamanal huan san moilhuíaj quenicatza huelis nechchihuilise catli amo cuali.

⁶Mosentilíaj huan quisencahuaj tlaque nechchihuilise. Teipa motlatíaj ojteno huan nechchiyaj ma nipano para nechmictise.

⁷Toteco Dios, xijtlachili nochi inintlaixpanolhua huan xiquintlatzacuilti. Ica mohueyi cualancayo, xiquintlahuiso hasta tlalchi.