Salmo 56:3-7

³Emun ebpekeǥezam a te kegkahandek, ne edsarig a ziyà te kenikew.

⁴He Megbevayà, edeliǥen ku sikew tenged te penaad nu. Kenà a egkahandek su edsarig a kenikew. Wazà etew he ebpekezezaat kedì.

⁵Layun ibpesuwey te menge kuntada ku is menge lalag ku. Layun dan ebpelanu te kedezaat kedì.

⁶Ed-eles-eles dan edtigum, ne ebentayan dan is langun he ebeelan ku su iyan tuyù dan is kedhimetayi zan kedì.

⁷He Megbevayà, kenè nu ituǥut he mekelikey sikandan te silut tenged te kelelalung dan. Dèdeeti nu sikandan tenged te pauk nu kandan.