SALMOS 44:21-26

²¹ta tijmajtosquía, pampa ta tijmati nochi catli ichtacatzi eltoc ipan yolojtli. Pero amo tijchijtoque, Toteco.

²²Pero masque amo tleno tijchijtoque, por ta tiitztoque nechca miquilistli. Techchihuaj quen tipilborregojtzitzi catli san quichiyaj ajqueya quinmictis pampa timoaxcahua.

²³¡Toteco ximotlanana! ¡Amo xicochi! Amo ximoiyocatlali tlen tojuanti para nochipa.

²⁴¿Para tlen timoixtlatía? Eltoc quen tiquelcajtoc para tojuanti titlaijiyohuíaj huan miyac techcualancaitaj.

²⁵Techtlahuisojtoque hasta tlalchi. Toixayac mocahua ipan tlaltejpoctli huan amo hueli timotlananase.

²⁶¡Ximotlanana, Toteco! Techpalehuiqui. Techmaquixti pampa tlahuel techicnelía.