SAM 44:21-26

²¹Gatanu atnatapiak. Anututa natdetdeu ninde musipatang kusopuke yuaingu atnataak.

²²Anutu, ninu gatane amindabamda yuamang. Unzingge ninu tapdukbam asinggan nisipa kungwakamang. Iwaninda ninu nindupanu sipsip binga atnisipan kumnimdekan.

²³Buyambam tapa, ga enayo. Dasingge ga dapunu pekgayak? Ga enayo. Gata masa asingganu ninde ma nimim.

²⁴Dasingge ga ninde kusopunggayak? Aminda ninde wai pasiwa ninu meyambam pake yuamang. Ninda meya wa pakamangge dua botawim.

²⁵Ninu kepatang pimakamang. Siwan gupminu gwa kupsa amindane gupnata binga pekaing.

²⁶Anutu, gata enake apu gatanimuyo. Ga butaya natanimunggayakapanin ge gata gatuka papi ninu dua kumnim.