SALMOS 42:1-6

¹Quen se masatl catli tlahuel amiqui quitemojtinemi se atlajtli para atlis, quej nopa na nimitzyoltemohua, noTeco Dios.

²Quena, quen se catli tlahuel amiqui, na ipan noyolo nimitznequi Toteco, ta catli nelnelía tiitztoc. ¿Hasta quema huelis niyas huan nimonextis moixpa?

³Yohuali huan tonali nichoca huan amo nitlacua. Nocualancaitacahua tlatoctzitzi nechtlatzintoquilíaj: “¿Canque itztoc moDios? ¿Para tlen amo mitzpalehuía?” Quen nopa nechilhuíaj.

⁴Quema niquelnamiqui quen eliyaya achtihuiya nepa ipan notlal, eltoc quen atiya noyolo. Niyohuiyaya ininhuaya miyaqui masehualme hasta ichaj Toteco Dios. Na niquinyacanayaya nochime hasta ichaj ipan nopa hueyi ilhuitl. Titzajtzitiyohuiyayaj ica paquilistli, huan tijtlascamatiyayaj Toteco Dios pampa para ya tiilhuichihuayayaj.

⁵Huajca nimoilhuía: “Amo monequi nimotequipachos. Na nimotemachijtoc ipan noTeco Dios, huan sempa nijpaquilismacas, pampa yaya noDios huan notemaquixtijca.”

⁶Pero noTeco, nelía nimotequipachohua nica campa niitztoc ipan ni tlali catli huejca. Yeca nimitzelnamiquis, huan niquelnamiquis quen tijpixqui hueyi moyolo tohuaya catli tiehuaj ipan motlal. Niquelnamiqui nopa tlali yejyectzi catli pehua campa motlalohua nopa atlajtli Jordán, huan ontlami hasta campa motlanantoc nopa tepeme Hermón huan Mizar.