Salmo 42:1-6

¹Din iliw ko, Apo, ay en mandaydayaw sin Timplom et kaman din bigaw di ogsa si man-ay-ayos ay danom.

²Palalo di iliw ko en sik-a, Diyos ay matmatago. Pig-an pay di makaeyak ay mandayaw sin beey mo?

³Inagew ya linabi ay enak manlolowa, adiak pay mangmangan tan dagaang ko et maga. Kankanayon abe ay kankanan di kaibaw ko, “Into ngin din kanam en Diyos mo?”

⁴Isonga palalo ay manladingitak mo manemnem ko din nangipangpangoak sin ad-ado ay gait ko ay en mandayaw en sik-a sin beey mo. Naragsak kami ay nan-iyaman en sik-a, Apo, ya nangikanta si dayaw mo.

⁵Apay pay laeng ay mariribok ya manladingitak? Sik-a, Apo di pantalkak, tan sik-a di omisalakan ya Diyos ko et sik-a kasin di idaydayaw ko.

⁶Peteg di ladingit ko, isonga ninemnem kos sik-a sin kawadak sin sakop di Jordan ay naiaddawi ay daga, sin sag-en di dontog ay Hermon ya Mizar, tan sina kayman di kad-ak ay lugar.