SALMOS 39:3-9

³Hasta nijmatiyaya quen noyolo tlatlayaya. Huan quema san ya nopa nimosenilhuijtoya, nijmatiyaya quen se tlitl lemeniyaya ipan noyolo. Huajca ayacmo niquijiyohui huan nicamanaltic chicahuac, huan niquilhui TOTECO:

⁴“TOTECO, technextili quesqui tonali niitztos huan quema nimiquis. Nijmati nelquentzi tonali niyoltos nica.

⁵Techmacatoc se nemilistli catli nelquentzi xihuitl. Huan nochi xihuitl catli niyoltos elis san se tlatoctzi moixpa, pampa ta nochipa tiitztoc. Nochi masehualme polijtehuaj nimantzi san quen ixpolihui iniijiyo quema tlaijiyotilanaj.

⁶Nochi masehualme panotehuaj quen se ecahuilotl. San tlapic nochi inintequi. Masque quimiyaquilíaj tlamantli catli ipati, amo quimatij ajqueya iaxca elis teipa.

⁷Huajca, noTeco, amo tleno onca catli ipan huelis nimotemachis. Nimochiyas san ipan ta.

⁸Techmaquixti tlen notlajtlacolhua. Amo xiquincahuili masehualme catli huihuitique ma noca paquica ica catli nijchijtoc.

⁹Nimocamatzacuas moixpa huan ayacmo nimolinis ica catli nopanti, pampa ta techtlatzacuiltía.