Text copied!
BREAK EVERY YOKE
CopyCompare
I tnalù dwata
- Salmo

Salmo 34
1
2
3
4
5
6
7
8
9
10
11
12
13
14
15
16
19
22
23
24
27
32
33
34
37
40
42
43
46
47
49
51
63
65
67
72
80
84
87
89
90
91
93
95
96
100
103
104
105
107
110
115
116
118
119
121
122
124
126
127
130
132
139
150

Help us?
Click on verse(s) to share them!
1Ani lingag Dabid di kaflingun book du fye galwà kenen di agot Abimélék, na glut falwaan kenen. Toogu là tlag mlé fye di Amugu Dwata, na là agu fanak dmayen kenen.
2Làgu fdag i ktogu, bay én fdaggu i Amugu Dwata. Too gamu flinge kdeeyu dad to fanlayam, na too gamu flehew.
3Magin gamu deg di kafdatahgu i Amuito Dwata; sasatu ito dmayen i dagitan.
4Dmasal agu di Amugu Dwata na tnimelan i dasalgu, na nwean kdee klikògu.
5Dad to ftabeng di Dwata too mlaan i bawehla, na landè gumadlàla.
6Landè dademe gamtabeng deg, taman tamlo agu di Amugu Dwata na tnabengan agu, na falwaan agu di kdee kaflayamgu.
7I kasaligan Amugu Dwata munung i dad to nun klikò di Dwata, du fye falwaan ale di dad gamsasè dale.
8Taman tilewyu du fye teenyu sa i kafye Amuito Dwata! Too nun klehew i to glidung di Dwata.
9Kanlikòyu i Amuito Dwata, kdeeyu dad ton, du i dad to nun klikò di kenen tnabengan na landè gukulangla.
10Du balù i dad malbang liyun là fa tua, kulang ale di kakaanla na bitil, bay i dad to fdadong di Dwata du gusmaligla landè gukulangla di dad gufyela.
11Taman fdadong gamu dini na flinge gamu dad ngàgu; na tdòta gamu smalig na likò di Amuito Dwata.
12Mayè gamu dé ku nun fye knèyu na ku mlawil gamu? Mayè gamu dé ku nun klehewyu?
13Ani kibòyu, too fgeye du fye là gamu talù sasè; na nang gamu tmulen kéng.
14Tnagakyu dad sasè nimòyu na nimòyu i fye; na tooyu lalò i dalan kasaglabat na i ksasatu nawa.
15I Amuito Dwata, toon neye i dad to matlu, na lingen i katlola kenen.
16Kabay i dad to mimò sasè toon knang, talaan ale fnalê, na di kfatila flifetan i dad to, du fye landè to di tah tanà faldam dale.
17Kabay linge i Amuito Dwata katlo i dad to matlu ftabeng di kenen, na falwaan ale di kdee kaflayamla.
18Tnabengan i dad to malbà i nawala, na i dad to too mlidù mdà di salàla falwaan.
19Dee kaflayam gnagu i to matlu, bay i Amuito Dwata tmabeng kenen di kdee.
20Balù dad tulanan fangeyen du fye landè tfò.
21I nimò i dad to sasè, én i gamfati dale; na nukum kadang di salà i dad to mnang nawa i dad to matlu.
22I Amuito Dwata i msò dad saligan di agot i fati, na laan nukum di salà i dad to smalig di kenen.


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!