SALMOS 32:2-11

²Ba nez ẕen naken che bennen' Dios bi žesbage'e ḻe' ẕia, bennen' bi ẕcache'e x̱toḻe'e.

³Kate' bi na' yex̱óalapa' doḻa' da' wbaga'a, bedó ḻaža'a dan' wžeža' dot ža.

⁴Ḻawe' ža, na' yele bsako'o neda', X̱ana' Dios. Bedó ḻaža'a ka žebiže bej nis byo' wbá ka'.

⁵Naž bex̱óalapa' doḻa' chia', na' bi bkacha'a da' ẕinnj dan' bena'. Bechóg ḻaža'a bex̱óalapan' ḻawo' Le', X̱ana' Dios, na' benít ḻawo'o Le' che x̱toḻa'a.

⁶Che ḻen yógo'te benne' chio' ka' žaḻa' wḻížgake' Le' kate' ne zo' yenlo' chégake', na' kate' žin da' wžía yin' benách ka', dan' gaken ka to yegw nis ẕen da' bgóleḻe'en, bi be gonen chegak benne' chio' ka'.

⁷Le' nako' ka to latje gan gak wkache' kwina', na' wkache' chawo'o neda' gan bi be wsakan' benách chio' ka'. Goḻkza' zižje ka besló' neda' dan' žox̱o' neda'.

⁸Ẕnna X̱anžon': “Wḻoe'ela' le' nez gan žaḻa' tio'. Wsedla' le', na' wzejni'ila' le' da' žaḻa' gono'.

⁹Bi gako' ka to bžina' o to burrw, bia ka' bi žejní'igeklba', bia ka' žon byenen nna biá'gako'-ba', na' ko'o ya žoá'agakba' nich góngakba' ka žénelo' le'.”

¹⁰Benne' ka' bi zej nake' chawe' žon byenen tégake' ḻo da' sáka'gake', san benne' ka' žx̱en ḻáže'gake' X̱anžon', Ḻe' žape chi'e ḻégake' ḻo yeḻa' ži'i ḻaže' chie'.

¹¹Ḻe'e, benne' chawe' ka', le yebele na' le soa ḻo yeḻa' ba nez, dan' gokḻen X̱anžon' ḻe'e. Ḻo yeḻa' žebele le goḻ, dan' nakle ḻi ḻaže' ḻawe' Ḻe'.