Salmos 32:2-11

²Bab-Jehová, dulega e-isgudigusad bar insasuli gunonikile, egi-isgued-naid ega osulononikile, Bab-Jehová egi nued binsanonidaed.

³Bab-Jehováʼga, an-isgued an sogsulidbali, bane-bane an akigindiidbali, an-abagan galalemai guded.

⁴Mutikidbali, ibginedbali, sabsur be an-imaked. Igi yorgi dutu dad-ibeler-abin dinguddae, deyobi, an na itoged.

⁵Geb degi, an-isgued na bega barsognonikid, gwen an begi an-isgued odukussulid. Weyob an sogsad: “Emi, Bab-Jehováʼga an-isgued an barsogoye.” Agine, an-galagwensuli-gudigusad be elinonikid, an-isgudi-gudigusad be anga osulononikid.

⁶A-ulale, dule-be-sogedba-nanadimaladi, suli-suli-itogedgi, bese gormalad. Boni-dummagan-ainialile, ese warmakosulid.

⁷Bee be an-odukuedid, nega-bulegangi bee be an-edarbedid, bendakleged-igarmargi-namakega, be an-imaked.

⁸Bab-Jehová soged: “Ani an be-odurdakoed, ani an bega sogoed, ibu-igarba be nanaoe, ani an bega binsaed ukoed, ani an begi nakuledii guoed.

⁹Igi moli, degi, moli-uayasuid, ibmar-akusunna itodamala, deyob melle be dao. Ar wemardi, bese warmakmalaga, e-dukargi, dub-nasiklegergebed, e-gayagi, e-gaya-bargaed nasiklegergebed. Degisulile, bese warmakosurmalad.”

¹⁰Dule-galagwensuli-nanadimaladi, ega gwage-nunmaked-dummad danikid. Dule Bab-Jehová-abdakakwaa-gudimaladdi, Bab-Jehová ise-wile dakoed.

¹¹Bemar, dule-innikidamaladi, be weligwar-itomarsun, Bab-Jehováʼgi be wergumarsun. Bemar, dule-gwage-nuegan-gumaladi, bela yeer-itogedgi namakmarsun.